Ich Pêrtelme zu den zeiten kapplan der Ewigen Mess So Wilhalm auf dem Steyg dem Got genad gestifft hat auf sand Kathrein altar datz sand Stephan ze Wienn vergich offenleich mit dem brief daz mich die erbern Mann Hanns der Zyrnast und Hanns der Mosprunner dietzeit baid ausrichtêr und volfurêr des geschêffts so Hanns der Arnstorffer dem Got genad getan hat, verrichtet und gewert habent dreyssig phunt wienner phenning die mir derselb Hanns der Arnstorffer geschafft hat, alls dasselb geschêfft vor dem Rat der Stat ze Wienn mit erber kuntschafft beweist ist und alls es ze einer ewigen gedêchtnûzz in dem Statpuch geschriben stet Und sag auch ich die vor-genanten geschêfftherren und Ir Erben der egenanten dreyssig phunt phenning gentzleich quidt ledig und los, Mit urchund des briefs versigilten mit der zwayer erbern Mannen Insigiln hern Ruedolfs des Angervelder dietzeit des Innern Rates der Stat ze Wienn und Oswalts des Pawchs purger daselbens die ich des vleizz(ichleich) gepeten han ze gezewgnuess der sach In an schaden Darunder ich mich verpind mit meinen trewn alles das stet zehaben das vor geschriben stet wann ich selber aigen Insigil nicht hab Geben ze Wienn an sand Petronellen tag Nach Kristi gepuerd viertzehenhundert jar darnach in dem Sibenten jar.

Source Fulltext: Peter Peusquens