Wir Leupolt von (gotes) gnaden Hertzog ze Oesterreich (ze Steyr) ze Kêrnden und ze Krain Grave ze Tyrol etc. Bekennen fuer uns, unsern lieben Vettern Hertzog Albrechten, den wir Innhaben und der zu seinen (beschaiden) Jaren nicht komen ist und unser erben. Umb den Anslag und hilff der Achttausent phunt phenning, So wir auf unser getrewen lieben..den Burgermaister den Innern und aussern Rate und die gantzen gemain reich und arm ze Wienn nach unserer Rêtt und auch Herren Ritter und Knecht rat von unsern und des egenanten unsers Vettern und unserr lannd und leûtt merkchlichen notdurfft wegen geslagen haben. Daz uns die egenanten unser Purger von Wienn an denselben Achttausent phunt phenningen, benuegig gemacht und ausgericht habent, umb zehen tausent guldein, des ersten zwaytausent guldein, die yetzund Hannsen dem Lawen berait gevallen sind, und zwelffhundert phunt phenning darumb Si unsern lieben getrewen Hainrichen den Kranichperger unserr lieben Gemaheln Hofmaister versorget habent auszerichten, Und die uebrigen Si den egenanten Lawen mit irem brieve auszerichten auch versichert habent, damit dieselben zehen tausent guldein also gentzlich ausgericht sind. Davon sagen wir die egenanten unser purger gemainlich und ir erben derselben zehentausent guldein gêntzlich quitt ledig und los, Und wellen In die an dem egenanten irêm anslag der gemainen lantstewr abziehn haissen an gêverde. Mit urkund ditzs briefs. Geben ze Krembs an Samstag nach Gotsleichnams tag Nach Kristes gepuerd in dem Viertzehenhundertisten (und dem Achten jare.)

Source Fulltext: Peter Peusquens