Ich Hanns Lawn von Gruennaw bekenn fuer mich und fuer den edeln hern Purkcharten den Druchsetzen da fuer Ich mich wizzentleich annimm mit dem brief allen leuten gegenburtigen und kuenftigen umb dy nachgeschriben Burger von Wienn Chunraden den Vorlauf, Rudolfen den Angervelder, Hannsen den Rokken, Stephan den Pollen, Fridreichen von Dorffen, Wolfharten den Schebnitzer und Niklein und dem Himel, und umb all ander Ir freund helffer und diener wie So die genant sind chainer ausgetzogen So ich und der obgenant Druchsezz und all ander unser freund diener und helffer an nachst vergangen Palmtag bey Geblitz nidergelegt und gevangen haben Derselben Irer gelub und venkchnuesse Sag ich Sy all und Ir igleichen besunder an stat meiner und des obgenanten Druchsezzen und aller anderr unserer freund helffer und diener gentzleich ledig und los wizzentlich mit dem brief Versigelt mit meinem aufgedrukchten Insigel Dartzu hab ich auch vleizzikleich gepeten den erbern Hannsen Greusnikcher daz er sein Insigel auf den brief gedrukcht hat zu getzeugnuesse der obgeschriben Sache Im und seinen erben an schaden Der brief ist geben am Sampstag nach sand Veyts tag. Da man zalt von Kristes gepuerd virzehen-hundert Jar darnach in dem Achten Jare.

Source Fulltext: Perer Peusquens; siehe auch: • Schlager, Wiener Skizzen, N. F. 3, 101 no 1.