Wir Hans der Veltsperger zu den zeiten der Burgermaister und der Rat gemayn der Stat zu Wienn. Bekennen fuer uns und all unser Nachkoemen und tuen kunt offenlichen mit dem brief, daz wir dem erbern herren, hern Hansen dem Knewssel zu den zeiten Churherr datz Allerheiligen Tumbkirchen, datz Sand Stepfan ze Wienn Recht und redlichen verlihen haben und leihen auch wissentlichen mit dem brief, die ewig Mess, die fraw Adelhait selig, die Kupferswentin auf unser frawen altar datz Sand Stepfan zu Wienn gewidemt und gestifft hat, mit allen den nuetzen gulten und rechten, die dartzu gehornt, innzuhaben zu niessen und zu nuetzen und die auch verwesen und sprechen zu der zeit, und in der weil, als Sy die egenant fraw Adelhait nach Irs Stifftbrief sag gewidmet und gestifft hat. Und wan wir derselben Mess leherrn sein, daruber geben wir dem vor-genanten her Hansen den brief zu ainem warn urchund der Sach versigelten mit der Stat klaynem an hangundem Insigel. Geben zu Wienn, an Mitichen nach Sand Ulreichs tag Nach Christi gepuerd vierzehenhundert Jar darnach in dem achten Jare.

Source Fulltext: Peter Peusquens