Wir Leupolt von gotes gnaden Hertzog ze Oesterreich ze Steyr ze Kêrnden und ze Krain Grave ze Tyrol etc. Embieten den erbern weysen unsern getrewn lieben..dem Burgermeister.. dem Richter und dem Rate zue Wienn unser gnad und alles guet. Uns hat fuerbracht unser besunderer Franciskg von Kaum wie man Im und Wundioln unserm Burger zuo Portenaw den Spruch So ettleich ewr mitburger daselbs zwischen In und Hermannen von Eslarn unserm hansgraven sullen getan haben, umb ainen weingarten darauf Sy haben klagt von geltschuld wegen die Sy gen Im mit dem Rechten behabt und auch des Behabbrief haben, nicht well lassen geen Sunder In darInne Irrung tue, das uns umpilleich dunkchet. Emphelhen wir ew ernstleich daz Ir dieselben Spruchlêut unverzogenleich fuer ew beschikchet, zue komen und die darumb kuntleich und aigenlich verhoeret. Und wie die desselben Spruchs gedenkchen daz denn die egenanten Frantiskg und Wundyoln dabey also beleiben und In auch das widervare Und ob In derselb Hannsgraf ueber denselben Spruch ichtemer schuldig belibe, daz Ir mit Im von unsern wegen schaffet Sy darumb auch auszurichten Und dies nicht lasset, das maynen wir. Geben in der Newnstatt an Sambstag nach unser frawn tag Nativitatis Anno domini etc. Quadringentesimo Decimo. dominus dux per magistrum camere Jo(annem) Gr(eusnikcher).

Source Fulltext: Peter Peusquens