Wir Leupolt von gotes gnaden Hertzog ze Oesterreich ze Steir ze Kêrnden und ze Krain Grave ze Tyrol etc. Embieten unsern lieben getrewn..dem Burgermeister und Richtêr zue Wyenn unser gnad und alles guet. Als wir unserm getrewn Heinreichen dem Lerhueber unserm Burger daselbs zue Wyenn den halben tail unsers ungelts daselbs, den weilent..der Sweinwartter von uns Inngehebt hat, gelassen haben nach lautt des briefs, den er darumb von uns hat. Also emphelhen wir ew ernstleich und wellen Ob die erber, des egenanten Sweinwartter wittib, oder wer denselben ungelt Innhat, dem egenanten Lerhueber, des vorgenanten halben tails des ungelts nicht ab-tretten wolt, daz Ir dann mit In von unsern wegen schaffet, und Sy dartzue weiset, daz Sy Im desselben ungelts unvertzogenlich abtretten und daran kain Irrung tue und des mitnichte lasset Wan doch der vorgenante Sweinwartter kainen Erben hinder Im lassen hat. Geben in der Newnstat an des Heiligen Kreutzs tag Exaltacionis Anno etc. Quadringentesimo Decimo. dominus dux in consilio.

Source Fulltext: Peter Peusquens