Leupolt von gotes gnaden Hertzog ze Oesterreich etc. Erbern weysen und getrewn lieben. Als wir ew vor haben verschriben, unserm getrewn, Maister Hermann dem Guertlêr, ewrem Mitburger, die Mautt bey Stubentor, und den Turn dabey zue emphelhen, Des Ir aber nicht getan, Sunder die ainem andern empholhen habet, als uns ist fuerbracht. Bitten wir ew, und begern auch mit ernste, Daz Ir demselben Guertlêr, die egenante Mautt, und den Turn, noch vor mênikleichem emphelhet, und Ingebet. Wan wir nicht anders wissen, Denn daz Ir mit Im, wol versorgt seyt. Geben zue der Newnstat an Mêntag vor Sand Lucein tag, Anno domini etc. Quadringentesimo Decimo. dominus dux per Slüssler, cam(erarium) s(uum).

Source Fulltext: Peter Peusquens