Erbern weysen, Meinen dienst wisset voer. Ich lass ew wissen, das ich voermôlen, mit ewrm erbern Burgermaister geredet hab, das er mir wolt erlawben, herab ze fueren, ze meiner nott-durft, ettwevil stekchen und tawfen und auch holtz, dar auf man die gefueren moecht. Nu ist mir potschaft komen, wie Ir mir das nicht gen wellet lassen, und mich doemit Irret, Pit ich ew das ir mir die, durich meiner dienst willen, nach an Irrung wellet gen lassen, daz will ich umb ew verdienn, ewr verschriben antwuert lat mich wissen, bey dem gegenbuertigen poten. Geben ze Haymburg des nagsten eritags nach dem auffartag Anno etc. undecimo. Marichart Glaspekch Purkchgraf ze Haymburg

Source Fulltext: Peter Peusquens