Ich pruder Leupolt. ze den zeiten prior. und aller Convent gemain. der pruder sand Augustins Orden ze Wienne. tuen chund allen den. die disen prief. sechent. lesent. oder horent. daz wir mit gemainem Rat. und mit wolverdachtem muet. uns verpinden. zu einem ewigen jartage. den wir jaerleich begen schullen. und ewichleichen. in unserm Chloster ze Wienne. mit vigilii. und mit selmesse. an der Heiligen Tage sand Selde und sand Mere. der Erbern vrowen. vron Elspeten. ze Neunburch. und Otten Perein irem wirt. dem Got genade. und irr Tochter Elspeten. und aller irr vodern sele. ze hilf und ze Trost. umb die andacht. und sunder hilf. und fuedrunge. die wir von ir haben. und noch geworten. Und. daz. daz. also stet sei. und unzebrochen beleib. dar uber so geben wir ir disen prief. versigelt mit des prior insigel. und des Conventes. Der ist geben ze Wienne. nach Christes gepurd. dreutzehen hundert jar. dar noch in dem acht und dreizigistem. des ander Suntages in der Vasten.

Source Fulltext: Peter Peusquens