Den Erbern weysen unsern besunderlieben herren und frêwnten..dem Purgermaister..dem Richter und..dem Rat der Stat zu Wyenn, Enpieten wir..der Richter..der Sluezzler, und ettleich ander..des Rats und..der gemain der Stat zu Chrems unser frewntleich willig dinst zuvor. Wir tuen ewer Erbarchait zu wissen, das an hewtigem tag fuer uns chomen sind, dy Ersamen, Erhart fleischakcher, Andre Perner, Ullreich Ollmer und Hanns Mullner, all puergêr zu Stain, und habent vor unser gesagt und bechannt pey Irer gewizzen, in gesworen Aides weis von ains knaben wegen, der genant sey gewesen Hennsel Wild, Steffans des Wilden und Preyden, Steffans des Wilden hausfraw, des egenanten Hennsleins Wilden mueter, paider leipleicher sun, und pirtig von Stain, das derselb Hennsel Wild, yetzund mer dann In drein und dreizzikch jaren pey dem lannd nicht gewesen sey und auch menigerstund von seiner mueter gehort haben, das der selb knab mit dem tod abgangen sey, Und des habent mich vorgenanten..den Richter, dy benanten frumen leutt vleizzigleich gepeten, de chuntschaft an Irer stat zu ainer waren getzeugnuss mit meinem Aufgedrukchtem Insigel zu besigeln, das ich auch also durich Irer vleizziger pet willen tan, und zu getzeugnuss auf den prief gedrukchet hab, der geben ist zue Chrems, an Sambstag vor Sannd Bartholomeus tag, des heiligen zwelefpoten. Anno etc. vicesimoprimo.

Source Fulltext: Peter Peusquens