Den erberen und weysen Paulen dem Wuerffel und Weyler dem Goldsmyd baid purger ze wienn Empeut ich Magdalen Hainreichen des Asperiger hausfraw ze Chueffarn mein willig dinst und pitt euch gar vleyzzicklich von wegen meins tails So ich hab Ineribschaft weys an einem haws gelegen an dem Cholmarkcht ainhalben ze nêchst Micheln des plattner haus das ir meinen prudêr Lucasen den Godinger purger ze Chlosternewnburgkch des an nutz und gwer gewalltig machet und setzet Wenne ich alle meinew Recht daran auf gib meins tails mit chraft des Gegenburttigen briefs dar ueber gegeben ze urchunde ze geleicher weys als ob ich selber da wêr und wenn ich selber nicht aigen Insigel enhab so hab ich darumb vleyzzigleich gebetten, dew erbern zwey man meinen lieben chonwirt Hainreichen den Asperiger vorgenant und Wolfgangen den Schawhinger ze Wollppersdorff das Sy soleiche handlung mit Iren baiden aufgetrucktten Insigiln allso bezeugt habent In und iren eriben an scheden Darunder ich mich verpindt mit meinen trewn alles das stêt ze haben das vor oben an dem brief geschriben stet Geben an mantag nach des heiligen Chreutz tag Anno domini etc. M° Quadringentesimo vicesimo primo.

Source Fulltext: Peter Peusquens