Ich Larenz Holtzkewfel burger zu Wienn Bekenn offennleich mit dem briefe daz ich mit gutem willen und mit wolbedachtem mute zu der zeit da ich ez wolgetuen mochtt Recht und redleich verlihen hab und leihe auch wissentleich mit krafft des briefs dem erbern Briester hern Hannsen Hierprechtl von Inglstat Aichstetter Bistumbs die mess die weilent mein Endl selige gewidembt und gestifft hat in hern Otten und Haimen Cappellen gelegen bei dem Rathaus ze Wienn nach sag und lautt des stifftbriefs der darumb ist darzue sy ainen weingarten gegeben hat gelegen am Nusperg des ain halbs jeuch ist, genant daz Rasengêrtel zunachst Wolfharts des Schermitzer weingarten darauf ain yegleich Capplan der egenanten mess alle wochen vier mess ausrichten und verwesen solte nach des egenanten Stifftbriefs sag, des derselb weingarten nicht getragen mag damit dieselben vier messe ausgericht wuerden, hab ich dem benanten hern Hannsen und seinen nachkomen die beschaidenhait und guete getan Also das Sy alle vier wochen zwo messe in der egenanten Cappellen auf sand Lienharts Altar ausrichten und verwesen sullen an alle saumung, und die dritt mess sullen Sy auch in derselben wochen zusambt den obgenanten zwain messen ausrichten wenn Sy wellen oder aber albeg in der nachsten wochen darnach an alles verziehen damit das dennoch drey mess wochenleich erstattet und ervollet werden an abgangk ungevêrleich Und Sy sullen auch dem pharrer daselbs mit andern sachen gehorsam und gepunden sein nach sag und lautt des egenanten Stifftbriefs angevêrd wann ich der obgenanten messe yetz recht Lehen-herr bin. Und des ze urkund gib ich In den brief besigelten mit meinem anhangundem Insigl. Geben zu Wienn, an sand Lienharts tag Nach Kristi gepuerd viertzehenhundert und in dem ains und zwaintzigisten jare.

Source Fulltext: Peter Peusquens