Wir Albrecht von gotes gnaden Hertzog ze Oesterreich, ze Steir, ze Kêrnden, und ze Krain, Grave ze Tyrol etc. Bekennen fuer uns, und unser erben, daz wir den erbern weisen, unsern lieben getrewen..dem Burgermaister..dem Richtêr, dem Rate, und den Buergêrn gemaincleich unsrer Stat ze Wienn, durch Irer dienst willen, die Si uns untz her getan habent, und hinfuer wol getuen muegen und sullen, die gnad getan haben, und tuen auch wissentleich mit dem brieve, daz Si und all Ir Nachkomen, alle die heuser, in derselben unsrer Stat gelegen, die der Juden sind gewesen, wie die genant sind, als offt man die verkauft, versetzt oder in ander weg damit handelt, mit Irem GruntInsigel vertigen sullen und muegen an Irrung, in aller der masse, als Si ander heuser und gruent hie in der Stat vertigent, und als der Stat recht und gewonhait ist ungeverleich. Mit uerkunt ditz briefs. Geben ze Wienn an Phintztag vor dem Palmtag. Nach Kristi gepurde viert-zehenhundert Jar darnach in dem zwayundzwaintzigisten Jare.

Source Fulltext: Peter Peusquens; siehe auch verbessert: • Schlager, Wiener Skizzen 1, 71 n° 18 und • Tomaschek, Rechte und Freiheiten 2, 30 n° 127.