Wir Albrecht von gotes gnaden Hertzog ze Oesterreich, ze Steyr, ze Kêrnden, und ze Krain, Grave ze Tyrol etc. Bekennen fuer uns und unser erben, daz wir der erbern Agnesen von Potendorf, unsers lieben getrewn Otten von Meissaw, obristen Marschalchs und Schenkhen in Oesterreich, hausfrawn, durch besunder gunst und gnad, so wir zue Ir haben, unser haus, gelegen in der Judengassen ze Wienn, an dem ekg zunêchst .. der von Dachsperg hewsern, das weilent Smêrl Wênkleins, des Juden ist gewesen, gegeben haben, und geben Ir auch das wissentleich mit dem brief, In solicher masse, daz Si und Ire erben dasselb haws mit seinen zuegehoerungen, nu fuerbaser an Irrung innhaben, nutzen und niessen sullen und muegen, und iren frumen damit schaffen, wie In das am besten fueget, und wolgevelt ungevêrleich. Mit uerkund ditz briefs. Geben ze Wienn an Montag vor Sant Pangrêtzen tag. Nach Kristi gepuerde viertzehenhundert jar, darnach in dem zwayundtzwaintzigisten jare. d. dux in cons(ilio).

Source Fulltext: Peter Peusquens