Ich Jorg Palterndorffer vergich fur mich und all mein erben und tuen kund offennleich mit dem brief allen lêwten gegenwuerttigen und kuenftigen, daz ich mit gutem willen und mit wolbe-dachtem muet zu der zeit da ich das mit Recht wol getun mocht Recht und Redleich verkaufft hab mein haws gelegen in sand Johannsen Strass ze Wienn, an ainer seytten ze nachst, des edln herren hern Achazen von Kunring haws und an dem andern tail ze nachst Petern des Maschen haws. Das obgenant mein haws hab ich mit allen den eren nuetzen und Rechten alls ich das unversprochenleich Inngehabt und herbracht hab und damit es dann von alter herkomen ist Recht und Redleich verkauft und geben umb Sechzigk phunt wienner phenning der swartzen Munnss der ich ganntz und gar ausgericht und gewert bin Den edln frawen Kathrein weilent hern Stephans des Missingdorffer seligen tochtêr, Hannsen von Schonveld seligen witiben meiner lieben Mumen, Giligen dem Floytn Irm Sun und desselben ires Suns erben furbaser ledichleich und freileich ze haben und allen iren frumen damit ze schaffen verkauffen versetzen schaffen machen und geben wem Sy wellen und alles das damit hanndln und tun das In allerpesst dann wolgevelt an mein meiner erbn und menichleichs von unsern wegen Irrung und hindernuss ungeverleich, und bin auch vorgenanter Jorg Pallterndorffer mitsampt allen meinen erbn unverschaidenleich, des vor-genanten hawses, der egenanten frawn Kathrein und Gilgen des Floyten und seiner erbn Recht gewern und scherm fuer alle ansprach als soelichs kaufs und der Stat ze Wienn Recht ist unge-verleich Gieng In aber mit Recht daran icht ab oder stund In icht krieg oder ansprach daran auf von wem das wêr mit Recht was Sy des schaden nement, das sullen und wellen wir In genntzleich ausrichtn und widerkern an widersprechen ungeverleich, und sullen auch Sy das habn hintz mir und meinen erben unverschaidenleich und dartzu auf allem unserm gut, das wir haben in dem lande ze Osterreich oder wo wir das haben nynndter noch nichts ausgenomen wir sein lembtig oder tod und das der kauf furbaser also stêt und untzebrochen beleib des zu ainem waren offenn urkund gib ich fur mich und all mein erben In den brief besiglt mit meinem anhangunden Insigl dartzu hab ich mit fleis gebeten, die edeln Hannsen den Eytzinger von Hoeflein und Jorgen den Grunpekchen zu Phaffendorf, das Sy der sach getzeugen sind auch mit Irn anhangunden Insigeln In und iren erben an schaden Geben ze Wienn an sand Veyts tag Nach Kristi geburd viertzehen-hundert und in dem vier und zwaintzigisten jare.

Source Fulltext: Peter Peusquens