Ich Paul der Wuerffel, dietzeit des Rats und Spitalmaister der Buergerspital vor Kernertor ze Wienn, Bekenn offenleich mit dem brief, umb die funftzig phunt phenning, und viertzig guldein, die zu Klausen des Prewssen seligen Steufsun jartag gehornt, und die mir Inngeantwuort, und dem vorgenanten Spital ze mutz angelegt, und gewendet sind, daz ich mich darumb fur mich, und mein Nachkomen, gen den Ersamen weisen, dem .. Burgermaister.. Richter und .. Rat der Stat ze Wienn, verlubt, und verpunden hab, wissentleich in kraft ditz briefs, wan Sy das obgenant gelt, zu dem egenanten jartag haben, und uns des nicht lennger angesten lassen wellent, daz wir In denn dasselb gelt, anvertziehen, von des egenanten Spitals guot, ausrichtn, und betzaln, sullen, und wellen, und sullen Sy, das haben, zu allem dem guet, daz zu dem vorgenanten Spital gehoret Mit urkunt des briefs, besigelt, mit meinem aufgedruktem Insigel. Geben ze Wienn an Sambstag nach sand Margrethen tag, Nach Kristi gebuerd, viertzehenhundert jar darnach in dem vierund-zwaintzigistem jare.

Source Fulltext: Peter Peusquens