Wir Kunrat der Hoeltzler, zu den zeiten Burgermaister und der Rate gemain der Stat ze Wienn. Bekennen, daz fuer uns in offen Rate koemen ist der Erber briester, maister Niclas der Kroten-dorffer und bat uns fleissichleichen Im zeverleihen die ewig mess so weilent Peter Goetz der Riemer auf unserr frawn Altar gelegen hintz sand Jacob auf der Huelm ze Wienn gewidemt und gestifft hat wan uns die mit abgang weilent Larentzen von Puseul pharrer zu Thawrn in dem Intal ledig worden were Das haben wir getan und haben dem egenanten maister Niclasen dieselb ewig mess durch Gotes willen verlihen wissentleichen mit dem brief. In solher beschaiden daz er die-selb mess nu fuerbasser mit messprechen und andern gotsdiensten ordenleichen verwesen und die gueter so dartzu gehoernt stifftleichen und pewleichen sol Innhaben nyessen und nuetzen nach lautt der Stifftbrief darumb gegeben. Mit urkund ditz briefs besigelt mit der vorgenanten unserr Stat ze Wienn klaynem anhangundem Insigel. Geben ze Wienn an Eritag vor sand Larentzen tag Nach Kristi gepurd viertzehenhundert jar darnach in dem vierundzwaintzigistem jare.

Source Fulltext: Peter Peusquens