Den Erbaern weisen Leupolten dem Weilaer und Casparn Pirichvelder Buriger zu wyenn und zu den zeiten innhabaer und verweser der Stat zu wyenn Gruntpuecher Enbeut ich Hans Angervelder der Elter mein willig dinst zuevor Ich lasz Ew wissen das ich meinem vetern Hansn dem Anger-veldar dem jungern verchauft und zuchauffen gewn hab mein haus gelegn in der chrugstrasz ze wyenn als Er Ew darumb ain chaufbryff zaigen und furbringen wyrt Bit ich Ewch mit sunderm fleis Ir wellet Im debselben bryff mit Ewrm gruntInsigl vertigen und mich meiner nutz und gewer aus-schreiben und ir desselben hausz in Ewr gruntpuech nutz und gewer in schreiben mit aller der Ordnung und gewanhait als ir den andern haueser in der Stat vertigt das ist mein wegier und gutleicher will und wil das hinfuer nach allem meinem vermugen verdienn umb Ew mit urkuend des bryffs mir der Edeln Lienhart des palentaer phlegaer zu Hinperg und Wolfgangs des vischen-mundar paider aufgedrukchten Insigeln die ich des fleissichleich gebeten hab In und yeren Eriben an schaden geben zu Hinperg an sand veitz abent Anno M° CCCC° XXV°

Source Fulltext: Peter Peusquens