Ich Ulreich Fewchter korherr zu Sand Polten, und pharrher zu Retz Ich Michel und Ich Wolfgang die Fewchter sein Brueder und Ich Barbara Stephans des vischer hausfraw zu Krembs Ir swester Wir veriehen fuer uns und unser erben und tuen kund offenleich mit dem brief. Daz uns die Erbern weisen Jeronym der Gewkramer diezeit des Rats der Stat ze wienn und Caspar Pirchveldêr Burger daselbs, und diezeit baid Innhaber und verweser der obgenanten Stat ze wienn Grunt-puecher ausgericht und betzalt habent funfundzwaintzig phunt wienner phenning, die herkoemen sind von den funftzig phunden wienner phenningen Darumb wir ain haus gelegen in der Strauch-gassen zenagst Leben des Goltslaher haus das weilent Thoman Fewchter unser vater seliger hinder sein lassen hat und die zu dem obgenanten Gruntpuech nidergelegt sind worden. Darumb so sagen wir die obgenanten erbern lêut und Ir erben der egenanten funfundzwainzig phunt phenning ganz und gar quitt ledig und los. Mit urkund ditz briefs besigelten mit der Erbern Hannsen des Geres-tenner und Ulreichen des Warnhofer baid Burger ze Wienn aufgedrukchten Insigeln des wir Sy zugetzeugnuss der sach gebeten haben In und Irn erben an schaden Und wan wir selb aigen Insigel nicht enhaben So verbind wir uns under den benanten Insigeln alles das stêtzehaben daz vor-geschriben stet. Geben ze Wienn an Eritag nach Reminiscere in der Vasten Nach Kristi gepurd viertzehenhundert Jar darnach in dem Sechsundzwaintzigistem Jare.

Source Fulltext: Peter Peusquens