Wir Albrecht von gotes gnaden, Hertzog ze Oesterreich, ze Steyr, ze Kêrnden, und ze Krain, Marggraf ze Mêrhern, und Graf ze Tyrol etc. Embieten unsern lieben getrewn..allen Herren, Rittern und Knechten, Phlegern, Burggrafen, Burgermaistern, Richtern, Burgern, und allen andern unsern Undertanen, in Steten und auf dem Lande, den der brief getzaigt wirt, unser gnad und alles guet. Wan wir kuntleich underweiset sein, daz wir, und unser land und leut, von der ungrischen wein wegen, die man in unser land, und dadurch fueret mercleich schêden nemen, wan damit die landwein verlegt und unwerd werden. Emphelhen wir ew allen und ewr yecleichem besunder ernstleich und wellen, daz Ir allenthalben, in Steten und auf dem Land, offenleich lasset berueffen, daz nu fuerbazzer nyemand kainen ungrischen wein, in unser land, oder dadurch fuere, oder die da vertue. Welher aber dawider tête, und solich wein, darueber in unser lande, und dadurch fueren und vertuen wolt an unsern sondern brief, wa ir denn darauf koemet, daz Ir die fursich zu unsern handen nemet, und verhefftet. Daran begeet Ir unser maynung. Geben ze Wienn an phintztag vor dem Suntag Oculi in der Vasten. Anno etc. vicesimo sexto. d. d(ux) in cons(ilio).

Source Fulltext: Peter Peusquens