Ich Thoman Schrikcher gesessen zu der Heiligenstat, und ich Margreth sein hausfrau, vergehen fuer uns und all unser erben offenlich mit dem brief, das wir unverschaidenlich gelten suellen, dem erbern weisen, Hannsen dem Steger dietzeit des Rats der Stat zu Wienn, und seinen erben, vier phund wienner phenning der alten swartzen Muenss. Der wir Sew, oder wer uns an Irer stat mit dem brief mont, unverzogenlich ausrichten und betzalen suellen und wellen, auf sand Michels tag schiristen kuenftig angevêrd. Tuen wir des nicht, was Sy des dann fuerbasser schaden nement, wie der schad genant wirt, wie ains das den brief von Iren wegen fuerpringt ungesworn mit slechten worten gesprechen mag. Denselben schaden mitsambt dem vorgenanten haubtguet gelob wir In an fuerladung und an alles Berechten gêntzlich auszerichten und widerzekeren mit unsern trewn ungevêrlich Und suellen auch Sy das haben, zu uns von aim auf dem andern und unsern erben unverschaidenlich, und auf allem unserm Guet, erbguet und varendguet, das wir haben in dem lannd zu Oesterreich, oder wo wir es haben, es sy Innerlands oder auserlands nyndert noch nichts ausgenomen, wir sein lebentig oder tod. Mit urchund des briefs besiglten mit der erbern Hannsen des Gerestennêr burger zu Wienn, und Hannsen des Ravenspurger, Mitburger daselbs, aufgedrukten Insigeln, die wir zu getzeugnuess der sachen mit vleiss darumb gepeten In und Iren erben an schaden. Darunder wir uns mit unsern trewn angevêrd verpinden, alles das stêtzehaben das vorgeschriben stet. Geben zu Wienn an freitag nach sand Dorotheen tag. Nach cristi gepuerd, viertzehenhundert und in dem zweiunddreissigistem Jare.

Source Fulltext: Peter Peusquens