Ich Symon Polan Bekenn oeffenleich an dem brief von des hawss wegen gelegen ze Wyenn auf der Alsser strazz ze nagst Hannsen dem Haymlein und das ich und mein hawsfraw Elspet verkawfft und ze kawffen gegeben haben Micheln dem Drischler und seinen erben Und darumb So gib ich der benanten meiner hawsfrawn Elspeten an meiner stat an dem gegenbuertigen brief vollen und gantzen gevalt damit ze handeln ze tuen und ze lassen in aller der mass, als ich selber gegen-buertichleichen da wêr. Also beschaidenleich, das der obgenant Michel Drischler und sein erben mit dem benanten haws und mit seiner zugehoerung allen iren frum schuellen schaffen mit versetzen verkawffen vermachen Schaffen und geben wem sew wellent an alle unser irrung und widerred Und des zu urkuend So gib ich, vorgenanter Symon Polan der obgenanten meiner haws-frawn Elspeten den brief besigelten, und wann ich selber Insigil nicht enhab So hab ich fleissich-leich gepeten den erberen knecht Tybolten den Pymisser das er sein Insigil durich meinen willen an den brief gedrukcht hat Darunder ich mich verpind mit meinen trewn ungevêrleich alles das stêt ze haben das vor an dem brief geschriben stet Im und seinen erben an schaden Und des ist gezewg durich meiner gepet willen der erber knecht Stephan Methersêr mit seinem aufgedrukch-ten Insigil Im und seinen eriben auch an schaden. Geben nach Kristi gepuerd viertzehenhundert jar darnach in dem drew und dreyssigisten jar am Montag vor Gotzleichnams tag.

Source Fulltext: Peter Peusquens