Wir Hanns der Steger zu den zeiten Burgermaister und Kellermaister und der Rat gemain der Stat ze Wienn Bekennen das uns der erber weis Lienhart Newnhover unser mitburger das kirchmaister amt zu sand Michel hie ze Wienn widergeraitt und ain erbere Raittung getan hat von allem In-nemen und ausgeben das er das nagstvergangen viertzehenhundert und drewunddreissigist jar untz auf heutigen tag hat getan und an derselben Raittung ist man Im schuldig drewundsechtzig pfund drey schilling zweiundzwaintzig pfenning (63 lb 3 sh. 22 dn.) und ainen helbling. Auch ist man Im besunderleich an seinen vordern Raittungen so er den pharlewten getan hat und ditzmals an der Raittung darumb Ir kuntschaft sagten schuldig worden dreissig pfund vier schilling und achtzehen pfenning (30 lb 4 sh. 18 dn.) nach ausweisung unsers ambtpuchs Davon sagen wir In und sein erben der egenanten Raittung ledig an alles gevêr Mit urkund ditz briefs besigilt mit unserm klainen Anhangundem Insigil Geben ze Wienn an Montag nach Invocavit Nach Kristi gepurd viertzehenhundert jar darnach in dem vierunddreissigistem jare.

Source Fulltext: Peter Peusquens