Ich Hanns Swab Statrichtter ze Wienn Bekenn offenlich mit dem brief das fur mich kom in der Burgerschrann da ich sas daselbs an offem gericht der erber Pangretz Lorberer burger ze Pabenberg an stat sein selbs und Seitzen des Sweinfuerter seins gemainer und klagt mit vor-sprechen hintz Petern Ziegler und Annen seiner hausfrawn, umb hundert ungrischer guldein in gold die sy Im und dem egenanten Seitzen seinem gemainen schuldig wêr und gelten solt und darumb Sy In Ir haus gelegen bei den Predigern ze Wienn zenegst dem Selhaus, in der stat ze Wienn Satzpuech phentlich versatzt und verschrieben hieten als er des ain bewerte kuntschaft aus demselben Satzpuech furbracht, die da vor mein und offem gericht gelesen und gehort ward und klagt auch darumb nach desselben Satzpuechs sag alsverr untz das geviel mit frag und urtail Ich solt das den obgenanten Petern Ziegler und Annen seiner hausfraun zewissen tuen, ob sy das-selb haus verantwurten wolten und geschêch darnach was recht wêr Des tet Ich In zewissen als Ich ze recht solt nach der Statundschrannrechten ze Wienn und nach demselben zewissentun kom aber der vorgenant Pangrêtz an stat sein selbs und des egenanten Seitzen seins gemainer wider fur mich und offens gericht. Aber der egenant Ziegler Anna sein hausfrau noch ander yemant von Irn wegen die das benant haus verantwurt hieten kamen nicht. Da bat der benant Pangrêtz ze fragen was nu ein Recht wêr da geviel Im mit frag und urtail Er solt mir mein recht geben das hat er getan und solt Ich In desselben haus gentzlich gewaltig machen mit meinem Gerichtbrief Also das er damit handeln solt nach der Statundschrannrechten ze Wienn Soverrer das er an stat sein selbs und des vorgenanten Seitzen seins gemainer der obgenanten Summ guldein nach des be-nanten Satzpuchs sag gantz davon verricht und gewert werde und solt Ich Im des mein urchund geben. Des ze ainem offenn waren urkund gib Ich Im den brief besigilten mit meinem Angehan-gem Insigil Geben ze Wienn an Mitichen nach Invocavit in der Vassten Nach cristi geburt virt-zehenhundert und Im virunddreissigistem jare.

Source Fulltext: Peter Peusquens