Ich Lienhart Hawg urtailschreiber ze Wienn und ich Dorothee sein hausfraw Hannsen des Fuchsl seligen tochtter Bekennen das uns die erbern weisen Hanns Angervelder dietzeit des Rats der Stat ze Wienn und Dietreich der Starchant burger daselbs und baid der benanten Stat kamrer, aus Mathias Bon des Apoteker seligen Gescheft zeheiratgut ausgericht und gegeben habent zwaintzig guldein, darumb sagen wir Sy ledig Mit urkund des briefs besigilt mit mein egenanten Lienharts Hawgen aufgedruktem Insigil, und haben dartzue vleissiclich gebeten den erbern Lienharten Hausleitter Burger ze Wienn, das er der sach getzeug ist mit seinem aufgedrukchtem Insigil Im und seinen erben an schaden. Darunder Ich mich vorgenante Dorothea mit meinen treun verbind stetzuhaben so vorgeschriben stet. Geben ze Wienn an Montag nach Letare in der vassten Anno domini etc. Tricesimoquarto.

Source Fulltext: Peter Peusquens