Ich Mathes Tuchberaiter und Ich Kristina sein hausfrau Wernharts vastzieher Tochter Bekennen daz uns die erbern weisen Hanns Angervelder diezeit des Rats der Stat ze Wienn und Dietreich der Starchant burger daselbs, und baid der benanten Stat kamrer aus Mathias Bon des Apoteker seligen Geschefft ze heyratguet ausgericht und gegeben habent zwaintzig guldein Darumb sagen wir Sy ledig Mit urkund des briefs besigilt mit der erbern weisen Niclasen des Graner diezeit anwalt in der Muenss und Otten des Sweibrer baid burger ze Wienn aufgedrukchten Insigiln Die wir zu getzeugnuesse der sach gebeten haben In und Irn erben an schaden. Darunder wir bekennen alles das sovor geschriben stet, wann wir Insigil nicht enhaben. Geben ze Wienn an Eritag nach Letare in der Vasten Anno domini etc. Tricesimoquarto.

Source Fulltext: Peter Peusquens