Ich Wolfgang Tobler der Swertfeger und Ich Ursula, sein hausfrau, Jacobs Widmer Tochter Bekennen daz uns die erbern weisen Hanns Angervelder diezeit des Rats der Stat ze Wienn und Dietreich der Starchant buerger daselbs, und baid der benanten Stat kamrer aus Mathias Bon des Apoteker seligen Geschêfft ze heyratguet ausgericht und gegeben habent zwaintzig guldein Darumb sagen wir Sy ledig Mit urkund des briefs besigilt mit der erbern Ulreichs Warnhover und Wentzlaben des Rauber burger ze Wienn aufgedruckten Insigiln Die wir zu getzeugnuesse der sach gebeten haben In und Irn erben an schaden. Darunder wir bekennen alles das sovor geschriben stet, wann wir Insigil nicht enhaben. Geben ze Wienn an Eritag nach Letare in der Vasten Anno domini etc. Tricesimoquarto.

Source Fulltext: Peter Peusquens