Erbern und weysen lieben herrn, mein willig dinst zuvor als Wolfgang Molter Annen seiner haws-frawn weylent maister Antony des puchartzt seligen Tochter auf seinem haws gelegen hye an dem Ring zunagst der Schobrin haws zway hundert phunt phenning zue haymsteur die er ir auf einem andern seinem haws verschriben het und hundert phunt phenning von eines drittail haws wegen gelegen an dem alten Kolmargk zu Wienn verschriben und ausgetzaigt hat Also begert derselb Molter an mich Euch zuverkunden ob dy benant sein hawsfraw auf dem egenanten haws versorgt wêr umb dy vorgeschriben drewhundert phunt phenning lass ich Eur Erberkait wissen das dasselb haws yetz Teurer denn vier oder fumf hundert phunt phenning wert ist. Geben ze Newnburgk markthalben an Mitichen vor dem suntag als man singet Judica in der vasten Anno etc. XXXIIII°. Niclas Englgershawser Richter daselbs

Source Fulltext: Peter Peusquens