Wir Hanns der Stegêr zu den zeiten Burgêrmaistêr und Kellermaistêr und der Rat gemain der Stat ze Wienn Bekennen fur uns und all unser Nachkomen und tuen kund offenlich mit dem brief Daz wir unverschaidenleich gelten sullen Junkfrawn Annen Mertten des Scheibelwiser weilent unsers mitburgêr seligen Tochtêr, die noch nicht vogtber ist, und Irn erben vierhundert phunt wienner phenning, die geloben wir der egenanten Junkchfrawn Annen auszerichten und zubetzalen, wenn Sy nach unserm StatRechten zu Irn beschaiden jarn kumbt oder mit unserm wissen und willen, elichen verheirat und zugelegt wirdet, darnach ynner den nagsten vier moneyden an widerred, und an alles vertziehen, und was wir Ir denn davon ze pesserung tuen suellen, das sol gêntzleich an uns gesteen. Aber alle die weil wir das egenant gelt Innhaben So sullen Sy noch Ir erben dhainer Stewr noch Ansleg davon nicht phlichtig sein zegeben. Beschêch aber daz die egenant Junkfraw Anna ungevogte oder Ee das Sy elichen verheirat und zugelegt wurde als vorgemelt ist, mit dem tod abgieng, da got vor sey, So sullen und wellen wir dann, die egenanten Summ phen-ning Irn nagsten erben, den Sy von Recht zugepuernt, auch ynner den nagsten vir moneyden nach Irm abgang ausrichten und betzaln an all widerred und auszug ungevêrlich. Und sullen Sy das haben, datz uns und unsern nachkoemen unverschaidenleich und auf allem dem guet daz zu der egenanten Stat gehoret wie das genant ist nichts ausgenomen, und des ze urchund geben wir der egenanten Junkfrawn Annen und Irn erben den brief versigilten mit unserm klainem anhangundem Insigil. Geben ze Wienn an Phintztag nach sand Ambrosien tag Nach Cristi gepurde viertzehen-hundert jar darnach in dem vierunddreissigistem jare.

Source Fulltext: Peter Peusquens