Ich Ulreich Holtschuster und Ich Elsbeth sein hausfraw Niclasen Zibser des Zokelmacher tochter Bekennen das uns die erbern weisen Hanns Angervelder diezeit des Rats der Stat ze Wienn und Dietreich der Starchant burger daselbs und baid der benanten Stat kamrêr aus Mathias Bon des Apoteker seligen geschefft ze heiratgut ausgericht und gegeben habent zwaintzigk guldein. Darumb sagen wir sy ledig, Mit urkunt des briefs besigilt mit der erbern weisen Steffan des Wirsing, diezeit des Rats der Stat ze Wienn und Ulreichs Hirssawêr Statschreiber daselbs auf-gedrukten Insigiln, die wir zu gezeugnuess der sach mit vleiss darumb gepeten haben In und Irn erben an schaden. Darunder wir uns mit unsern trewn verpinden stêtzuhaben sovorgeschriben stet. Geben ze Wienn an freitag vor sand Joergen tag, Nach Cristi gepuerd viertzehenhundert jar und in dem vierunddreissigistem jare.

Source Fulltext: Peter Peusquens