Wir Kristan von gotes genaden Abbt zu Melkch Bekennen offenlich mit dem briefe, das fur uns kome der erber Pawl Wuerffel burger ze wienn und bat uns mit vleiss, das wir Im und seinen erben geruchten zuverleichen die hernach geschriben Stukch und Gueter die von uns und unserm Gotshaus zelehen ruernt. Nu haben wir angesehen des egenanten Paulln des wuerffels vleissig gebet, und haben Im und seinen erben die hernach gemelten Stukch und Gueter mit Iren zuege-horungen verlichen, und leichen In auch die wissentlich in kraft des briefs. Alles das wir In daran zerecht und pillich leihen sullen oder mugen und die hernach gemelten zehent mit Irn zuge-horungen von uns und unserm Gotshaus furbaser Innehaben nutzen und geniessen und allen Irn frumen damit schaffen in lehensweis, als lehens und lanndes ze Osterreich recht ist, doch uns und unserm Gotshaus an der lehenschaft unvergriffenlich Und sind das die Stukch und gueter vonerst zwai tail Getraidzehent auf dreizehenthalben lehen gelegen zu Honestorf ainhalb des Pachs ze veld und ze dorf. Item zwai tail Getraidzehent auf zwainundfunftzig jeuch akchers, gelegen ze Minkchendorff, und ain zehent auf vier weingarten gelegen ze Medling genant in den virtailn. Mit urchunt des briefs versigilt mit unserm klainern Anhangundem Insigil. Geben ze Wienn an Sambs-tag vor sand Ulreichs tage. Nach Cristi geburd Tawsent virhundert Jar und In dem vierunddreissi-gistem Jare.

Source Fulltext: Peter Peusquens