Den erbern weisen..dem Burgermaister, Richter und Rate der Stat ze Wienn. Embeut ich Regina Leupolten des floetzêr ainer des Rats der Stat zu Klosternewnburg elichew hausfrau Mein willig dinste bevor. Ich tuen ew zu wissen das ich mitsambt meinen lieben, vater und swestern, Joeri-gen dem Stêwlein, und Agnesen Mertten des Raningêr hausfraun und Annen der Chienbergêrinn, unser haus gelegen in der vodern Pekchenstrass ze Wienn, das von ew grunntrecht ist verchaufft haben, dem erben weisen, Hannsen dem Ziernast burgêr zu Wienn Bitt ich ewr weishait mit allem und sunnderm vleisse, Ir wellet dem egenanten Ziernast denselben kauf mit ewerm Sigil vertigen Als dann soelher vertigung ewerr Stat Recht und gewonhait ist. Das wil ich gern umb ewr weishait verdienn, wann das mein gueter wil und pet ist, und wil daz Nynndet widersprechen, noch da-wider tuen In dhainer weise ungevêrlichen Mit urkund des briefs, Besigilt mit des vorgenannten meins lieben kanwirts Lewpolts des floetzêr Aufgedrukchtem Inisigil und mit des erbern Michels des Mênnseêr Burger daselbs zu Klosternewnburg aufgedrukchtem Insigil, den ich zugetzeugnuess der sach mit vleiss darumb gepeten hab, Im und seinen erben an schaden, under die vorgenanten Sigil ich mich mit meinen trewn angevêr verpinde stêtzuhalden, alles, daz vorgeschriben stet, wann ich selb nicht aigen Insigil ennhab. Geben zu Klosternewnburg an sannd Erasms tag des heiligen marttrer Anno domini etc. Tricesimoquinto.

Source Fulltext: Peter Peusquens