Barbara von gots gnaden Roemische, und zu Ungern etc. kueniginn. Erber und weisze, unser lieben getrewn. Uns hat fuerbracht, unser getrêwe, Agnes Harracherinn, wie Steffan Gloser, ewer mitwoner, ettlich gelt innehab, das Irer Tochter, der Otilia geschaft sey, So sy dann soelichs gelts yetzund beduerftig ist. Begeren wir, Ir wellet den benanten Steffan Glaßer ermanen, und anhalden, das er Ir das vermeltt gelt, oder an Ir stat dem Cristan Woltzhofer geraich, und ausricht, als ferrer sy des recht hat, daran begêt Ir unsern willen. Geben zu Prespurg, am nechsten Mittichen, nach Ad vincula Petri, Anno domini etc. XXXV°. com(missi)o propria domine regine.

Source Fulltext: Peter Peusquens