Leonardus Dei gratia Episcopus Pataviensis. Licet is de cuius munere venit ut a fidelibus sibi digne et laudabiliter serviatur eisdem multomaiora retribuat quam valeant promereri nichilo-minus tamen fideles ipsos quibusdem allectivis Indulgenciis videlicet et remissionibus ad id consuevimus invitare. Cupientes itaque ut Cappella sanctorum Philippi et Jacobi apostolorum in Curia dicta Coloniensi Wiennensis situata congruis frequentetur honoribus et a predictis fidelibus iugiter veneretur. Nos omnibus vere penitentibus et confessis qui dictam Cappellam in festis patronorum et dedicationis eius necnon Quadragesimali tempore de cantatione solempni Anti-phone Salve regina, de beata dei genitrice virgine Maria, devote visitaverint seu interfuerint, de omnipotentis dei misericordia et beatorum Petri et Pauli apostolorum eius confisi suffragiis Quadraginta dies indulgentiarum de iniunctis eis penitentiis misericorditer in Domino elargimur perpetuis temporibus duraturarum harum testimonio litterarum. Datum Wienne vigesima sexta die Mensis Martii anno Domini Millesimo Quadringentesimo tricesimosexto.

Source Fulltext: Peter Peusquens