com(missi)o propria domine regine. Elizabeth dei gratia Regina Hungarie Dalmacie Croacie etc. Regina Austrieque et Stirie ducissa necnon marchionissa Moravie, fidelibus nostris universis et singulis Prelatis Baronibus Comitibus Castellanis Nobilibus, ipsorumque Officialibus. Item Civitatibus Opidis et villis ipsorumque Rectoribus Magistris civium Judicibus et villicis, presentes visuris, Salutem et gratiam. Quia fidelis noster providus Simon wachsgysser, Civis Civitatis Wyennensis, ad presens certa vasa piscium, nonnullasque alias res venales, ad dictam wyennensem Civitatem . deferre . et deducere habet. Indeque viceversa quamplures res nobis et Curie nostre necessarias adducere debet, et apportare, volentis igitur ipsum et huiusmodi suo itinere, nostre assecurationis favore gratulari fidelitatem universitate vestre et cuiuslibet vestram diligenter requirimus, eidem seriose precipientes, quatenus ipsum Simonem, cum dicte suis rebus et bonis ac familia, in eundo et redeundo, libere pacifice et absque omni impedimento procedere permittere et permitti facere velitis et debeatis. Et aliud facere non ausuri presentibus perlectis exhibenti restitutis. Actum Wisegradi(ni) feria quarta proxima post festum conversionis beati Pauli, apostoli Anno domini millesimo quadringentesimo quadragesimo.

Source Fulltext: Peter Peusquens