Elizabeth von gots gnaden, kuniginn zu Ungern Dalmatien Croatien etc. Erb des kunigreichs zu Behem, hertzoginn zu Osterreich etc. und marggrafin zu Merhern etc. Sunderlieben getrewn. Es hat geschickt unser lieber getrewer Jan Gyskra, unser hauptman zu Cassaw und Im Czips, seinen diener, Albrechten Gailsam, zaiger des briefs, hinauff zu euch gen wienn, daz er Im daselbst Salniter, Gewant, und ander notturft, bestellen, kauffen, und das herab furen sol. Also begern wir und pitten euch mit fleis, daz Ir In durch unsern willen, darInn beholf-fen sein, und In das frey und ungehindert von dann fuern und Im zupringen lassen wellet, damit unser sach nicht gehindert, sunder mer gefurdert werden. Daran tuet Ir uns ain sunder wolge-vallen. Geben zu Prespurg am mittich vor Symonis et Jude. Anno etc. Quadragesimo primo.

Source Fulltext: Peter Peusquens