Fridreich von gotes gnaden Roemischer Kunig zu allen zeiten Merer des Reichs Hertzog zu Osterreich und ze Steir etc. Erbern weisen und lieben getrewn. Uns ist angelanngt wie in kuertz ain stannd in unserm Collegi ze wienn ledig werde. Begern und pitten wir ew mit sunderm fleyss und ernst Ob ain Maister aws ewerm Collegy zu dem stannd genomen wuerde, daz Ir dann den Erbern unsern lieben getrewen Maister Mathias von Hailprun zaiger des briefs umb unsern willen, an des Maisters stat, der aws ewerm Collegii zu dem obgemelten stannd in unser vorgenant Collegy also genomen wirdet, in ewer Collegium nemet, wann wir aigentlich underweyset sein, daz er ain frommer taugenlicher und wolgelewntter Man ist und verzeicht uns des nicht, als wir ew sunder wolgetrawen Daran tut Ir uns aun sunder guet gevallen. Geben zu der Newenstat an Suntag vor Vaschang Anno etc. XLIII°. Unsers Reichs im drittem Jare. commissio propria domini Regis.

Source Fulltext: Peter Peusquens