Fridreich von gots gnaden Roemischer kuenig, zuallentzeiten merer des reichs, Hertzog ze Oesterreich und ze Steir etc. Erbern weisen lieben getrewen. Wir begern und biten ew, mit vlyss, daz Ir unser getrewen, Franntzen und Hannsen gebrueder von Augspurg, weiser des briefs, mit Irer arbait, daselbs zu Wienn, auf ain zeit, arbaitten und hanndeln lasset, wan Si von kriegs und unfrids wegen, in obern lannden solh Ir arbait, ditzmals nicht gehaben muegen, und sich dadurch, herab ze lannd gefuegt haben, damit Si Ir narung, desterpas gewinnen moechtten, und Si darin, umb unsern willen, guenstleich lasset bevolhen sein, und unsrer bete, darin lasset geniessen. Daran tut Ir uns gevallen. Geben zu der Newnstat an Sambstag vor sannd Pauls tag conversionis, anno domini etc. Lmo, unsers reichs im zehennten jare. commissio domini regis per Leop(oldum) Höltzl(er), camerarium.

Source Fulltext: Peter Peusquens