Wir Albrecht von gotes gnaden Hertzog ze Oesterreich ze Steyr ze Kernden und ze Krain Graf ze Tyrol etc. Schaffen mit ew unsern getrewn .. dem Purgermaister.. dem Richter und dem Rate, ze Wienn, und wellen ernstlich, daz ir von unserm taile ewrr Stewr ditz gegenwurtigen jars, unserm getrewn, Hansen dem Segenser, wo auf den nêchsten chunftigen sand Marteins tag, unverzogen-lich richtet fumfhundert phunt wienner phenning, die wir im schuldig sein von des hofes wegen ze Uetelndorff und seiner zuogehoerung den wir von im gechoufft haben. Und lasset des nicht, wan was nach der egenanten frist, schulden darauf gienge, von laistung oder in ander weg den wolten wir hintz ew haben. Wenne ir im auch die gerichtet habt, So sagen wir ew der denne an ewrr Stewr, ditz Jares, gentzlich ledig und los. Mit urchund ditz briefs. Geben ze Wienn an eritag nach sand Erasem tag, anno domini M°. CCCmo. LXX quinto. dominus dux per se.

Source Fulltext: Peter Peusquens