Ich Pernhart von Hawspach. Tuen kunt offenlich mit dem brief, daz fuer mich chom, der ersam, her Jacob Poll Capplan unser Vrown Cappellen gelegen in dem alten Rathaus ze Wienn, hern Ottenhaymen Stifftung, und tet mir kunt, daz im, und seinen Nachkomen, und derselben Cap-pellen, Lienhart der Poll, dem Got gnade, geschafft hiet, einen weingarten gelegen an dem Nuzperg in der mittern Schozze des ein drittail eins jeuchs ist, zenêchst des Stiborii Capplans weingarten, da man, von dem oberntail des egenanten weingartens, alle iar dient, meins oehems hern Petreins seligen von Eberstorf Chinden, der verweser ich zu den zeiten pin, anderthalb Stauff, und ein sechstail und ein newenttail einer Stauff, weins ze Perechrecht, und ein drittail eins orts ze voitrecht, und pat mich, daz ich, an der egenanten Chind stat, In, desselben obern-tails des egenanten weingartens, an die gewer satzt, alsvil die egenanten meins oehems Chinder Rechtens daran hieten. Das han ich getan, und han, den obgenanten hern Jacoben, an stat sein-selbs, und seiner nachkomen und der egenanten seiner Cappellen, des oberntails des egenanten weingartens, an die gewer gesatzt, als ein rechter phleger und verweser der vorgenanten Kinder, alsvil die rechtens daran habent, also, daz derselb weingart, pei der egenanten Cappellen ewik-lich beleiben sol, im, und allen seinen Nachkoemen, ze niezzen und ze nuetzen, in dem rechten, als In den der egenant Lienhart der Poll geschafft hat. Und des ze urkuend gib ich In, den brief, versigilten mit meinem angehangen Insigil. Der geben ist ze Wienn, nach Christes gepuert, dreut-zehenhundert iar, darnach in dem siben und Sibentzgistem Jar des nêchsten Maentags vor Mittervasten.

Source Fulltext: Peter Peusquens