Albertus dei et apostolice sedis gratia Episcopus Pataviensis Ad notitiam presencium, et memoriam futurorum. Cum ex debito pastoralis officii cultum divinum favore ipsumque pro-movere modis quibus possumus teneamur. Et cum bone memorie Heinricus Haller de Nuernberch quondam Civis Wiennensis, ob divini nominis gloriam missam perpetuam in Cappella beate Marie virginis in Ottenhaim, ibidem Wienne nostre diocese sub certis modis limitationibus et articulis prout in litteris desuper confectis, lacius contineri dinoscitur, dotaverit sufficienter. Nos ipsius devotam intentionem favore benivolo prosequentes dotationem promissam, ac omnia, et singula, circa eandem ordinata, et disposita, rite et provide facta, rata et grata habentes, ipsa auctori-tate ordinaria approbamus, et confirmamus, ac robur habere volumus perpetue firmitatis. In quorum omnium testimonium, et stabilitatem perpetuam, presentes litteras fieri, et sigilli nostri appensione fecimus communiri. Datum ibidem Wienne, die VII. Mensis Marcii Anno domini Millesimo Trecentesimo Septuagesimo septimo.

Source Fulltext: Peter Peusquens