Albertus dei et apostolice sedis gratia Episcopus Pataviensis. Omnibus imperpetuum, debitum pastoralis officii nos excitat, et inducit, ut cultum divinum sollicita praemoneamus diligencia, in hoc enim passionis dominice recolitur memoria christus ipse sumitur, et pro vivorum et mortuo-rum salute ymolatur hostia salutaris. Sane cum honestus vir Stephanus dictus Poll, Civis Wien-nensis, nostre diocesis, divino motus instinctu, ad laudem et gloriam nominis christi, et ob sue progenitorumque, ac successorum suorum animarum salutem, missam perpetuam, in Cappella beate Marie virginis in Ottenhaim ibidem Wienne, sub certis modis, conditionibus, et limitatio-nibus prout in litteris desuper confectis, et editis lacius contineri dinoscitur, congrue dotaverit ac sufficienter. Nos votis ipsius, iustis et devotis, precipua annuentes benivolencia, ipsaque in domino commendantes, dotationem supradictam, ac omnia et singula, circa eandem ordinata, et disposita, rite et provide facta, rata et grata habentes, ipsa auctoritate ordinaria approbamus, et confirmamus, ac robur habere volumus, perpetue firmitatis. In cuius rei evidens testimonium, et stabilitatem perpetuam, presentes damus litteras, sigilli nostri munimine roboratas. Datum ibidem Wienne, die VII. Mensis Marcii, Anno domini Millesimo Trecentesimo Septuagesimo septimo.

Source Fulltext: Peter Peusquens