Ich Stephan von Topel vergich und tun chund allen den, die den brif lesent oder ho^erent lesen, die nu lebent und hernach chu^enftig sind, das ich mit aller meiner erben gu^eetem willen und gunst mit wolbedachtem mu^et und nach meiner nêchsten frewnde [rat]^a zu der zeit, do ich es wol getu^en mo^echte, verchauft han meins rechten aygens vierdhalbs und funtzig phunt und zwen und zwaintzig phenning gelts Wienner munizze gelts gelegen in Chu^elbêr¹ pharre und in Sand Margreten² pharr siben und virtzig phunt mynrr ains phennings gelts auf behausten guetern und sibenthalb phunt und dreyundzwainczig phenning gelts auf u^eberlent und hie zu den zeiten die hernach benanten holden und la^ewt dienent: von erst auf behausten guetern in dem markcht ze Chu^elb auf hofsteten: Ulreich dacz den Hofsteten zwen und viertzig phenning, Jêkel Sneider siben phenning, Jo^erig der Schu^eester vierunddreizzig phenning und zway vaschanghu^enrr, Symon der Fullnchroph vierdhalben schilling und drew vaschanghu^enrr, Lewblinne bey dem Tor acht phenning, Chu^enczl der Taubfuez zwelif phenning, Fridel Chunter am Lehen von einem behausten gu^et zwainczig phenning, Hainczl der Schu^ester acht phenning, Steffan der Tenkk vir phenning, Peter der Gawklêr zehen phenning, aber derselb Peter virundzwainczig phenning, Seidel der Schu^eester aynen und zwainczig phenning, die Schuestlinne ainen und zwainczig phenning, Niclas der Sneyder am Alten markcht achtzehen phenning, Nyclas der Swynnkchel an der Gazzen ainen und zwainczig phenning, Stephan der Treibêr zwen und dreizzig phenning, Hainczel im Lehen dacz den Streyhêrn sechs und dreizzig phenning von ainem drittail eins lehens, Niclas der Weber ainen und zwaintzig phenning, Margret die Chaltsmidinne ainen und zwainczig phenning, Kathreÿ die Chramerinn sechs phenning, die Weykchartinne drey phenning, Ja^ekel am Alten markcht acht phenning von ainem ga^ertlein, die U^eberhirnynne sechs phenning, Seidel der Chramer viertzehen phenning und ein huen alles von hofsteten; darnach auf andern behausten gu^etern: von erst Ru^eger ze Ha^empach drey schilling phenning zwelef Rabenstainer chês, ain ganns, zwaÿ herbsthu^enr, zwai vaschanghu^enrr und vi^ertzig air, Örtl an dem Lehen drey schilling phenning, zwelif Rabenstainer chês, ain ganns, zwaÿ herbsthunrr, zway vaschanghunr und vi^ertzig air, Ulreich an dem Zimansperig³ drey Schilling phenning, zwelif Rabenstainer ches, ainen metzn pon‚ ain scho^et harbs, ain ganns, ain vaschanghu^en, ainen mader und zwen snitêr; Daveÿtinne an der Rawmgazzen drey schilling phenning und zwelif Rabenstainer cha^es; Ull auf der O^ed new^en Rabenstainer chês fu^emfczig phenning, zway herbsthu^enrr, zway vaschanghu^enrr und dreizzig aÿr; Symon von Gru^eb zwen und dreizzig metzen cho^erns, zwenunddreizzig metzen haberns, ain halb phunt phenning, acht herbsthuenrr, vi^er vaschanghuenrr, zwo genns, zwenundzwainczig Rabenstainer chês, drey Schilling air, ainen lemmerspawch und drew achttail smalczs; Stephan am Cholnperg⁴ dreizzig metzen chorns, dreizzig metzen haberns, zwelif Rabenstainer chês, vi^er herbsthu^enrr, vi^er vaschanghu^enr, zwo genns; Hainreich der Salczman doselbens nêwn Rabenstainer chês, fu^emftzig phenning, zwaÿ herbsthu^enrr und zway vaschanghu^enrr; U^elreich doselbens von ainer hofstat sechs Rabenstainer chês, dreizzig phenning, zway herbsthu^enrr und ein vaschanghu^en; Peter der No^edlêr doselbens sechs Rabenstainer chês, dreizzig phenning, zway herbsthu^enrr und ein vaschanghu^en; Jo^erig daselbs sechs Ra^ebenstainer chês, dreizzig phenning, zwai herbsthu^enr und ein vaschanghu^en; Elbel im Holcz zwelif Rabenstainer chês, sechczig phenning, zway herbsthu^enrr, zway vaschanghu^enrr, ain ganns und dreizzig aÿr; Chu^enczl der Schu^ernprant im Rêwtpache⁵ von ainer hofstat dreÿ Rabenstainer chês und funfzehen phenning dacz den Mêrttrêrn ain phunt phenning, dreitzehen Rabenstainer chês, zway herbsthu^enrr, zway vaschanghu^enrr und dreizzig aÿr; Elbel im Holcz von ainem hof dreizzig metzen chorns, dreizzig metzen habern, ayndelf Rabenstainer chês, drey Schilling phenning, drew herbsthu^enrr, drew vaschanghuenrr, zwo genns und sechczig air; Paul der Mulner von Meilaw⁶ newn Rabenstainer ches ain halb phunt minnrr vir phenning und vi^er vaschanghuenrr; Stephan von Fla^echh⁷ sechs Rabenstainer chês und drey Schilling phenning, Hainr(eich) vom Wasen⁸ sechs Rabenstainer ches, fumfczig phenning, zway herbshu^enrr und zway vaschanghu^eenrr und dreizzig air; Fridel der Schu^ester von ainer hofstat dreizzig phenning; Wolfhart der Hêndl von dem hof ze Tewfelstorf⁹ fu^emfundfu^emftzig metzen cho^erns, fu^emfundfu^emftzig metzen habern, zwelif Rabenstainer ches, zwo genns, vi^er herbsthu^enrr und vi^er vaschanghu^enrr, darnach dacz Linsperkch auf behaustem gut; Jo^erig von dem hof ze Arnestorf¹⁰ ain mutt chorns, ainen mutt habern, zway herbshuenrr, zway vaschanghu^enrr und all hochczeit zwen||
Rabenstainer chês; datz Mitterrêdel ¹¹ von einem hof sechsunddreizzig metzen chorns, sechsunddreizzig metzen habern, all hochczeit vi^er Rabenstainer chês, zwo gens, vi^er herbsthu^enrr, vir vaschanghu^enrr und sechtzig air; Niclas ze Niderrêdel¹² von ainem lehen ain mutt chorns. ain mutt habern, all hochczeit vi^er Rabenstainer chês, zwo genns, zway herbsthu^enrr, zway vaschanghu^enrr, und sechczig air; Hainr(eich) ze Strodarf von ainem hof ainen mutt chorns, aÿnen mutt habern all hochczeit fu^emf Rabenstainer chês, zwo genns, zway herbsthu^enrr, zway vaschanghuenrr; doselbens datz Strodarf¹³ von einem lehen sechtzig phenning, all hochczeit vi^er Rabenstainer chês, zway herbsthu^enrr, zway vaschanghu^enrr; Seidel ze Linsperg¹⁴ von einem lehen drey schilling an sand Po^elltentag und dreizzig phenning an sand Mertteinstag, ayn ganns, ain herbsthuen, ain vaschanghu^en, dreizzig air und all hochczeit vir Rabenstainer ches; Peter ze Linsperg von einem lehen drey schilling an sand Po^elltentag und dreizzig phenning an sand Mertteinstag, ain gans, ayn herbsthu^en, ayn vaschanghu^en, dreizzig air und all hochzeit vi^er Rabenstainer ches; Chunrat von Strodarf von einer hofstat fu^emfundsibentzig phenning an sand Jorgentag und fu^emf und sibentzig phenning an sand Cholmanstag; darnach auf ùberlent in dem ampt ze Linsperg der Smydmair von Grueb¹⁵ zwelif phenning von einem jewch akcher, der Rot von Feilndarf¹⁶ zwelif phenning von einem jewch akcher, der Lêntzel von Ebreinstorf¹⁷ zwelif phenning von einem jewch akcher, Haintzel Meinharts sun von Pru^ensleinsto^erf¹⁸ zwelif phenning von einem jewch akcher, Leuppolt von Wilhersdorf¹⁹ dreiczehen phenning von einem jewch akcher, Chunr(at) von Grafendarf²⁰ auf der Stetten dreiczehen phenning von eÿnem jewch akcher, Fridel der Scho^erkel dreyzehen phenning von einem jewch akcher, Fridel von Siednikch²¹ von einer wis siben phenning, der Fu^eller von Sawdarf²² von ainer wis achtt phenning, der Spa^endel von Ramolczhofen²³ achtzehen phenning von einem jewch akcher, der Obermaÿr von Ra^edel²⁴ sechs phenning von einem akcher, Ortliebinn doselbens vier phenning von [einem]^a akcher, Chu^enczl von Strodarf vi^er phenning von einem akcher und aber derselb Chu^enczl drew huenrr, Janns der Mulnêr von Grafendarf achtundvi^erczig phenning von drin jewchen akchers; darnach ze Chu^elb auf u^eberlent: Chunrat der Geyger von einem akcher am Sy^ehenpu^ehel aÿndlef phenning und von einem akcher an dem Hagenstain²⁵ fu^emftzehen phenning und von ainer wis dacz Meilaw achtundzwaintzig phenning; Hainreich der Schu^ester von ainem akcher am Lehen²⁶ zehen phenning und von einem akcher daselbs fu^emftzehen phenning und von einem akcher gelegen in der Lo^errin zehen phenning und von einem akcher beÿ dem Wasen acht phenning und von einem wislein zwen phenning; Hainreich der Pêwstel von einem akcher zwelif phenning, Pernger im Êtzenpach von einem akcher fu^emftzehen phenning, Pilgreyminne in dem Altenmarkcht fu^emftzehen phenning, U^ell der Smyd von einem akcher in Meylawervelde zehen phenning, derselb von einem akcher syben phenning, aber derselb vi^er phenning und ein vaschanghuen von einem ga^ertlein, der Swŷnkchel von fu^emf garten viertzig phenning, die Lewblinne bey dem Tor von einem akcher in Meilawerveld sechs phenning und von einer wis sechtzehen phenning und von einem halben pawngarten fu^emf phenning und aber von einem pawngarten fu^emftzehen phenning und aber von einer wis fu^emftzehen phenning und vir phenning fu^er ein vaschanghuen; U^ell der Lu^engel zehen phenning von einem jewch akcher, aber derselb zehen phenning von einem jewch und sechtzehen phenning von zwain chrawtga^erten, Janns von Holtzapphel von einem jewch akher zwelif phenning. aber derselb von einem jêwch akher zehen phenning, Seidel der Schu^ester von einer wis fu^emftzehen phenning und von einer aw^e fu^emftzehenthalben phenning und fu^er ein halbs huen zwen phenning und von einem chrawtgarten achtt phenning und von zwain ekcherlein fu^emf phenning und von einem jewch akcher aindlef phenning und von zwain jeuchen dreizzig phenning und von einem pawngarten aindlef phenning, Gred die Chaltsmydinn von einem garten ainen phenning, Thomans des Pêchleins witib von einem chrawtgarten acht phenning, U^ell von Laschaw von einem akcher fu^emftzehen phenning und von zwain gêrtlein fu^emfthalben phenning, Perichtolts tochter an der Gazzen von einem akcher acht phenning, Steffan der Mu^elner von Fla^echh von einem akcher dreizzig phenning und aber von einem akcher fu^emftzehen phenning und aber von einem akcher aindlef phenning und aber von einem akcher zehen phenning und von einem holcz, haizzet dacz Seleitten zehen phenning und von einer wu^er und einem garten fu^emfthalben phenning, Fridreich im Erla^ech von einem akcher zehen phenning, Chu^enrat von Schu^ettzehofen von ainer wis vi^er phenning, Pawl der Mu^ellner von Meylaw von einem holcz in der Seleitten zehen phenning und von zwain gêrten ze Meilaw newnundzwainczig phenning und von einem akcher auf der Aw zehen phenning; Stephan der Freÿ von einer leitten VI d., Wolfhart vom obern Lewnperg von einem akcher fu^emfczehen phenning und ein vaschanghuen, Stephan der Streyher von einem akcher fu^emftzehen phenning, Jo^erig der Schuester von einem akcher zw Meÿlaw dreizzig phenning, derselb von einem akcher fu^emfczehen phenning, aber derselb von einem akcher aindlef phenning und ein vaschanghuen, Ulreich der Lantsidel von einem akcher auf der Aw fu^enfczehen phenning und von einer wis vir phenning, Chu^enczl ab dem Aygen von einem akcher zehen phenning, Trawt die Ungrinne von einer wis bey Meÿlaw fu^emfczehen phenning, Kathrey Weigleins tochter ab dem Aychperg von einem akcher vi^erczehen phenning, der Sebekch der pharrer von dem Jewchenakcher fu^emfundvi^ertzig phenning, Seydel der Chramer von einem akcher fu^emfczehen phenning und von einer pewnt vi^erdhalben phenning und von einem garten vi^er phenning, Kathreÿ die Smydin von einer pewnt virdhalben phenning, Seydel der Elsterl von einem akcher VI d., Els die Chu^ersnerin von einem halben pawngarten fu^emf phenning, Chun(rat) der Amman von einem akcher sechsundzwainczig phenning, Fridreich an der Mu^el von einem jewch zehen phenning und aber von einem jewch zehen phenning und von einer wis zehen phenning und zwai vaschanghu^enrr und aber von einer wis sechs phenning, Fridel der Lukchner von einem pawngarten virtzehen phenning und von einem jewch akcher fu^emfczehen ph(enning), Stephan auf dem Wasen von zwain êkchern acht phenning, Fridl der Swa^entzel von einem akcher sechs phenning und aber von einem akcher drithalben phenning, Chunr(at) von Wasen von einem akcher dritthalben phenning, Stephan der Amman von Chollperg von einem akcher X d., Walthers chinder vom Wasen von einem akcher acht phenning, Dietreich von der Pyrichen von einem akcher zwelif phenning, derselb auch von ekchern dreyundvirtzig phenning, Jo^erig auf dem Chrisstenperg²⁷ von einem akcher zwelif phenning, Haintzl der Lantsidel auf dem Christenperg von einem akcher zehen phenning, Janns datz Wald von einem akcher X d., Ulr(eich) von den Hofsteten²⁸ von einem holcz an der Seleitten zwaintzig ph(enning), Chunr(at) von Hofsteten von einem garten bey Meilaw zwelif d., Ulr(eich) von Hofsteten von einer pewnt gelegen bey dem markch ze Chu^elb sechtzig phenning, Fridreich vom Wasen von einem halben jewch fu^emf phenning und von einem rewtlein am Hagenstain sechs denare und von u^eberlent, das weilent ein hof gewesen ist, zwainczig phenning, Chu^enzl datz den Marttrêrn von einem akcher V d., Weikchart der Spo^er von einem akcher dreizzig phenning, Ulr(eich) der Flychenwadel von einem akcher fu^emfzehen phenning und von einer ecz fumf d., und von einem akcher X1III d. und aber von einem akcher XV d. und aber von einem akcher V d. und aber von einem akcher zehen phenning, Elz die Smydinn von einem akcher XV d. und aber von einem akcher in der Aw X d., Hainczl bey dem Prunn auf dem Wasen von einem akcher VIII d.. Thoman der Chater von einem jewch sybentzehen phenning, derselb von einem halben jeuch V d., derselb von einem garten VIII d., Peter der Gawklêr ein vaschanghuen, die Waltchuenynn von drin a^ekcherlein VI d., dieselb von einem akcher newnthalben denare und fu^er ein halbs vaschanghuen zwen phenning, Seidel Kranl von einem pawngarten XVII d., Pertel der Pekch von einer hofstat achtt ph(enning) und ein vaschanghuen, derselb von einem akcher virczehen phenning, Chu^enczl der Podein von einer wis IIII d., Seidel der Kramer newn phenning und ein vaschanghuen. Es ist auch geraittet ye ain metzen chorns fur acht phenning, ainen metzen habern fur vir phenning, ain metzen po^en fur XX d., ain scho^et harbs fur X d., ein lemmerspauch fur X d., ein ches fur XVI d., ein gans fur X d., ein herbsthu^en fur II d., ain vaschang(huen) fur IIII d. und X air fu^er ainen phenning, ein mader fur X d. und zwen sniter fur X d. geltes. Die vorgeschriben gu^elt und gu^eter allew und alles das, das darzue geho^ert, holcz, waid, wismad, paw ze velde und ze^bdorff, esz seÿ gestifft oder ungestifft, versuecht oder unversuecht, wieso dasz genant ist, hab ich recht und redlich verkhaufft und geben mit allen den nuczen ehrn und rechten, alsz ich die von dem ehrw(irdigen) herrn, dem probst von Sanct Po^elden und dem convent daselbens gekhaufft hab,²⁹ an all erbvogteÿ und alsz ich die in aigens gwo^er herbracht hab, umb siben hundert pfundt und umb fu^enffundsechczig pfundt und umb sechsz schilling Wienner pfening, der ich gancz und gar gewert bin, dem erbern herrn, herrn Haidenreichen von Meusszaw, obristen schenckhen und zu den zeitten landtmarschalich in O^essterreich, und seinen erben fu^erbasz lediglich und freÿlich zu haben und allen ihren fromen damit zu schaffen verkhauffen verseczen und geben, wem sie wollen, on allen irrsal und bin auch ich obgenanter Stephann von Topel und alle mein erben unverschaidentlich der vorgeschribnen gu^eldt und gu^eetter aller und alles des, dasz darzu geho^ert, alsz vor benant ist, desz egenanten herrn Haidenreichs von Meissaw und seiner erben recht gewo^ehren und scherm fu^er alle ansprach, alsz aigens recht ist und desz landtes recht zu O^essterreich. Wer aber, dasz in an den vorgeschribnen gu^elden und gu^ettern icht abgieng mit recht oder ob sie icht kriegs oder ansprach daran gewinnen, von wem dasz wer, mit recht, wasz sie desz schaden nement, dasz sollen wir in alles auszrichten und widerkhehren on allen ihren schaden und sollen auch sie dasz haben auf unsz unverschaidentlieh und auf allen unszerm guett, dasz wir haben in dem landt zu O^essterreich oder wo wir es haben, wir seind lebentig oder todt. Und dasz der khauff fu^erbasz also stett und unzerbrochen beleib, darüber so gib ich obgenanter Stephann von Topel fu^er mich und fu^er all mein erben dem vorgenanten herr Haidenreich von Meusszaw und seinen erben den brieff zu einem wahren urkhundt und zu einer ewigen vestung der sach versigelten mit meinem insigll und mit meiner vettern insiglln herrn Weickharts von Topel, herrn Ulrichs sohn selligen Weickharts von Topel von Karelstetten und mit der erbern herren insiglln herrn Wolffgangs von Winnden und Ulrichs von Liechteneckh, die der sach gezeugen sindt mit ihren anhangenten insiglln. Der brieff ist geben zu Wienn nach Christes gebuhrt dreÿzehenhundert jahr darnach in dem vierundsibenzigisten jahr desz na^echsten freÿtags vor mitter fasten.

Source Fulltext: FUCHS, Aggsbach (=FRA II/59, 1906) S. 23-31