Ich Stephan von Toppel vergich fu^er mich und fu^er all mein eribn und tun kunt alln den, die den brif lesent oder ho^ernt lesn, die nu^e lebnt und hernach chu^enftig sind, das ich mit gu^etm willn mit verdachtm mu^et und nach rat meiner frew^end zu^e der zeit, da ich es wol getu^en mo^echt, recht und redlich verchauft und gebn han dem erbern herrn, hern Haydenreich von Meiss(aw), o^ebristn schenchn, zu den zeitn lantmarschalich in O^esterr(eich) und seinen eribn meines rechtn aygens mein vestt Hagenstain² und alles das, daz darczu^e gehört, holcz waid wismad paw^e, es sey gestifft oder ungestift, versuecht oder unversu^echt, wieso das genant ist, mit alln den nu^eczn, ern und rechte, als ich es in aigens gewer herbracht han, umb hundert phunt Wienner phenning, der mich der vo^ergen(ante) her Haidenreich von Meyss(aw) gancz und gar gewert hat, also das er und sein eribn schu^eln fu^erbas die egenantn vestt mit all irr zu^egeho^erung, so vor benant ist, ledichl(eich) und freyl(eich) versacz^en und geben, wem sy^e wellen, an alln i^errsal, und pin auch ich egenanter Steffan von Toppel und alle mein eribn unverschaydnl(eich) der obgen(anten) vestt Hagenstain und alles das, das darczu^e geho^eret, als vo^erben(ant) ist, ir recht gewern und scherm fu^er alle ansprach, als aigens recht ist und des landes recht zu O^esterr(eich). Wa^er aber, das si an derselbn vestt und irr zugeho^erung icht kriegs oder ansprach gewunnen, von wem das wa^er, mit recht, swas sy des schadn nement, daz sulln wir in alles ausrichtn und widercheren an alln irn schadn und su^elln auch sy daz habn auf uns und auf allm unserm gut, das wir habn in dem lante ze Osterr(eich) oder wo wir es habn, wir sein lebentig oder to^ed. Und das der chauf fu^erbas also stat und unczebrochn beleib, daru^eber so gib ich obgenanter Stephan von Toppel fur mich und fur all mein eribn dem vorgenantn herrnHaidenr(eich) von Meissau und seinen erbn den brif zu einem warn urkund der sach versigltn mit meinem insigl und mit meiner vettern insigln hern Weikcharts und hern Weikchartz von Toppel und mit hern Wolfgangs insigil von Wynnden³ und mit U^elreichs insigil von Liechtenekk, die der sach gezeugen sint mit ir insigiln. Der brif ist gebn ze Wienne nach Christes gepu^erde drewczehnhundert jar darnach in dem virundsibentzigistm jare des nêchstn erichtags nach ostern.

Source Fulltext: FUCHS, Aggsbach (=FRA II/59, 1906) S. 31-32