Urbanus episcopus, servus servorum dei, honorabilibus fratribus . . archiepiscopo Pragensi et episcopo Jauriensi ac . . dilectis filiis abbati monasterii Scotorum in Wyenna, Pataviensis diocesis, salutem et apostolicam benedictionem. Militanti ecclesie licet immeriti disponente domino presidentes circa curam ecclesiarum et monasteriorum omnium solercia reddimur indefessa solliciti, ut iuxta debitum pastoralis officii occurramus dispendiis et profectibus divina cooperante clemencia salubriter intendamus. Sane dilectorum filiorum . . prioris et fratrum domus porte beate Marie in Axpach, Charthusiensis ordinis, Pathaviensis diocesis, conquestione percepimus, quod nonnulli archiepiscopi . . episcopi aliique ecclesiarum prelati et clerici ac ecclesiastice persone tam religiose quam eciam seculares necnon duces marchiones comites barrones nobiles milites et laici communia civitatum universitates opidorum castrorum villarum et aliorum locorum et alie singulares persone civitatum et diocesum ac aliarum parcium diversarum occuparunt et occupari fecerunt castra villas et alia loca terras domos possessiones iura et iurisdicciones necnon fructus census redditus dicte domus et nonnulla alia bona mobilia et immobilia spiritualia et temporalia ad . . priorem et fratres ac domum predictos spectancia et ea detinent indebite occupata seu ea detinentibus prestant auxilium vel favorem, nonnulli eciam civitatum diocesum et parcium predictorum, qui nomen domini in vacuum recipere, formidantr eisdem priori et fratribus super predictis castris villis et locis terris domibus possessionibus iuribus et iurisdiccionibus fructibus censibus redditibus et proventibus eorundem et quibuscumque aliis bonis mobilibus et immobilibus spiritualibus et temporalibus et aliis rebus ad priorem et fratres ac dominii predictos spectantibus multiplices molestias et iniurias inferunt ac iacturas, quare predicti . . prior et fratres nobis humiliter supplicarunt, ut cum eisdem valde reddatur difficile, pro singulis querelis ad apostolicam sedem habere recursum, providere ipsis super hoc paterna diligencia curaremus. Nos igitur adversus occupatores detentores presumptores molestatores et miuriatores huiusmodi illo volentes eisdem . . priori et fratribus remedio subvenire. per quod ipsorum compescatur temeritas et aliis aditus committendi similia recludatur, discrecioni vestre per apostolica scripta mandamus, quatenus vos vel duo aut unus vestrum per vos alium seu alios, eciamsi sint extra loca, in quibus deputati estis conservatores et iudices, prefatis . . priori et fratribus efficacis defensionis presidio assistentes non permittatis eosdem super hiis et quibuslibet aliis bonis et iuribus ad priorem et fratres ac domuin predictos spectantibus ab eisdem vel quibusvis aliis indebite molestari vel eis gravamina seu dampna vel iniurias irrogari facturi dictis priori et fratribus, cum ab eis vel procuratoribus suis aut eorum aliquo fueritis requisiti, de predictis et aliis personis quibuslibet super restitucione huiusmodi castrorum villarum terrarum et aliorum locorum iurisdiccioni iurium et bonorum mpbilium et immobilium reddituum quoque et proventuum et aliorum quorumcumque bonorum. necnon de quibuslibet molestiis iniuriis atque dampnis presentibus et futuris in illis videlicet, que iudicialem requirunt indaginem, summarie et de piano sine strepitu et figura iudicii in aliis vero, prout qualitas eorum exegerit iusticie complementum, occupatores et detentores molestatores presumptores et iniuriatores huiusmodi necnon contradictores quoslibet et rebelies, cum cuiuscumque dignitatis Status ordinis vel condicionis extiterint, quandocumque ac quocienscumque expedierit auctoritate nostra per censuram ecclesiasticam appellacione postposita compescendo invocato ad hoc si opus fuit auxilio brachii secularis non obstantibus tarn felicis recordacionis Bonifacii pape VIII, predecessoris nostri, in quibus cavetur, ne aliquis extra suam civitatem et diocesim, nisi in certis exceptis casibus et in illis ultra unam dietam a fine sue diocesis ad iudicium evocetur, seu ne iudices et conservatores a sede deputati predicti extra civitatem et diocesim, in quibus deputati fuerint, contra quoscumque procedere sive alii vel aliis vices suas committere aut aliquos ultra unam dietam a fine diocesis eorundem trahere presumant, dummodo ultra duas dietas aliquis auctoritate presencium non trahatur seu quod de aliis quam de manifestis iniuriis et violenciis et aliis, que iudicialem requirunt indaginem, penis in eos si secus egerint et in id procurantes adiectis conservatores se nullatenus intromittant, quam aliis quibuscumque constitucionibus a predecessoribus nostris Romanis pontificibus tam de iudicibus delegatis et conservatoribus quam personis ultra certum numerum ad iudicium non vocandis aut aliis editis, quo nostre possent in hac parte iurisdiccioni aut potestati eiusque libero exercicio quolibet obviare seu si aliquibus communiter vel divisim a predicta sit sede indultum, quod excommunicari suspendi vel interdici seu extra vel ultra certa loca ad iudicium evocare non possint per litteras apostolicas non facientes plenam et expressam ac de verbo ad verbum de indulto huiusmodi et eorum personis locis ordinibus et nominibus propriis mencionem et qualibet alia dicte sedis indulgencia generali vel speciali cuiuscumque tenoris existat, per quam presentibus non expressam vel totaliter non insertam nostre iurisditionis explicacio in hac parte valeat quomodolibet impediri et de qua cuiusque toto tenore de verbo ad verbum in nostris litteris habenda sit mencio specialis. Ceterum volumus et auctoritate apostolica decernimus, quod quilibet vestrum prosequi valeat articulum etiam per alium inchoatum, quamvis idem inchoans nullo fuerit impedimento canonico prepeditus, quodque et eo vigore eaque firmitate possitis in premissis omnibus ceptis et non ceptis presentibus et futuris et pro predictis procedere ac si predicta omnia et singula eoram nobis cepta fuissent ex iurisdiccione nostra et cuiuslibet nostrum in predictis omnibus et singulis per citacionem vel modum alium perpetuata legittimum extitisset constitucione predicta super conservatoribus et alia qualibet in contrarium edicta non obstante presentibus post decennium minime valituris. Datum Rome apud Sanctum Petrum VIII. kalendas maii, pontificatus nostri anno duodecimo.

Source Fulltext: FUCHS, Aggsbach (=FRA II/59, 1906) S. 99-102