Dem du^erchleuchtem ho^echgeparn fu^ersten und unserm gnedigem lieben herren, hern Albr(echten) herczogen zu^e O^esterreich enpieten wi^er pru^eder Cristoff prior ze Carthus¹ und dy^e gancze sammung unsers gemainen capitels unser dyemu^etigs gepet mit allen trewn in andacht. Gna^ediger herr! Wann ewer du^erchchlarew wu^erdichayt den fu^erstenleichen gewalt, der ew von go^et verliehen ist, stêt dahin chêrt, daz in aller ewer gwer ga^eystleich chlo^esterlewt chain irru^enge, noch chain hindernu^esse an irem go^etgedechtigem fu^ersacz haben, davon verleich wi^er ew über allew dy^e guetta^et dy^e i^er vor des von unserm o^erden habt von der pesundern gnaden wegen, dew i^er nu^e newleich getan habt dem go^etshaus unser vrawn po^erten ze Achspa^ech, daz man ew ierleich daselbs ain dreizzigts, da^ez ist dreizzig mess von dem heyligen gaist pege, dy^e weil i^er lebt a^euff erdreich, und nach dem ende dits Ungewissen leben aynen ewigen ja^erta^eg ze pegen an dem tag ew^ers abganch, und enphelhen uns damit dyemu^etichleihen in ewern schermen mit stettem gepet in andacht. Geben ze Seycz in sand Johans tal und unsers gemain capitels anhangundem insigel nach Crists gepu^erd drewczehen hundert ja^er und darnach in dem vier und newczigsten jar an dem vierdem sunneta^eg nach o^estern und under dez obgenanten go^etshaus ze Achspach anhangundem insigel. Sigilletur.

Source Fulltext: FUCHS, Aggsbach (=FRA II/59, 1906) S. 124-125