Wi^er Albr(echt) von gots gnaden hertzog ze O^esterreich, ze Steyr, ze Kernden und ze Krain, grave ze Tyrol etc. embieten dem erbern gaistlichen . . dem prior ze Axpach unser gnad und als gu^et. Wi^er lassen dich wissen, das wi^er dem erwi^erdigen unserm lieben frewnd hern Georien bisschofen zu Passaw zu etleicher ringrung seins gotshaus unmêssigen notdu^erft gegu^ennet haben, ain stewr und hilff ze nemen von aller phaffhait und den klo^estern desselben bystumbs. Derselben stewer auf dich und dein gotsh(aws) gelegt sind czwainczig phunt d. Davon bitten wi^er dich mit ganczem fleiss und mainen auch ernstl(eich), das du sein gewiss boten und den wellt, die wi^er selber darzu^e geschaft haben, derselben summe phenning fuederlich und an alls vercziehen richtest hie zu Wienn zwischen hinnen und mittervasten schierest ku^enftig und das mit nichte lassest, damit nicht du^erft werd darumb zu no^etten. Geben ze Wienn an sand Blasientag anno etc. nonagesimo quinto.

Source Fulltext: FUCHS, Aggsbach (=FRA II/59, 1906) S. 128-129