Wir Albrecht von gotes gnaden herczog ze Osterreich, ze Steyr, ze Kernden und ze Krain, grave ze Tyrol etc. bekennen und [tun]^a kunt offenleich mit disem bri^ef, als unser lieber getrewer Leutold von Meyssaw den erbern geistleichen lêwten unsern lieben andêchtigen . . dem prior und dem convent dez klosters unserr frawen porten ze Achspach dez ordens von Carthus geben hat die vestt und daz dorff ze Stifen¹ mit aller zugehorung, die sein leben von uns sind gewesen, daz wir zu vordrist durch merung gotsdinst und durch aller unserr vordern unser und unserr nachkomen seeln hail und tro^estes willen und auch durch sunder gnaden und begi^erden, die wir zu dem orden von Carthus haben, denselben geistleichn lêwten und allen iren nachkomen die egenante vest und daz dorff zu^e Stifen mit allen lêwten gu^etern nu^eczen eren wi^erden und rechten und alln andern zugeho^erungen, die unczher darczu haben geho^eret, geaigent haben und aygen auch wissentleich mit kraft dicz gegenwu^ertigen briefes in solcher masse, daz si nu furbasser ewikleich bey irem obgenanten goczhaws nuczen und niessen an mênikleichs irrung und hindernu^ezze, als andere desselben goczhaws aygne gu^eter und gult und landesrecht ist ungevêrleich mit urkund dicz briefs. Geben ze Wienn an freytag vor dem suntag, als man singet invocavit in der vasten nach Christi gebu^ert drewczehen hundert jar darnach in dem newnundnewnczigistem jare.

Source Fulltext: FUCHS, Aggsbach (=FRA II/59, 1906) S. 155