Wir Albrecht von gotes genaden herczog ze O^esterreich, ze Steir,^a ze Kernden und ze Krain, graf ze Tirol^b etc. bechennen, wann unser lieber getrewr Ott von Meyssaw, o^ebrister marschalich und schennkch in O^esterreich, durch der gnad und begier willen, die er zu den erbern geistleichen^c den klosterlêuten ze Axpach^d Carthuser ordens, seiner vordern stift, hat all ir und desselben irs goczhauss gu^eeter, die sy in allen seinen gerichten mit namen in dem landgericht ze Pekstal, ze Ottenslag, ze Gars,^e ze Grafenwerd^f und in dem veldgericht niderthalb Krems habent, mit willen und gunst weilent dez hochgebornen fu^ersten, herczog Leupolts, herczogen ze O^esterreich etc., unsers lieben vetern sa^eligen, gefreÿet und in daz gericht ausgenomen, waz den tod anru^eret, darauf gegeben hat nach sag dez briefs, den si von im darumb habent, daz wir angesehen haben desselben von Meyssaw gu^eten fu^ersacz und fleizzig pet und haben ze vorderst durch gotes und aller unserr vordern nachko^emen und auch unser selbs seelnhails willen zu so^elicher gab unsern willen und gunst auch gegeben und die bestêtt wissentleich mit dem brief, was wir daran ze recht bestetten sullen oder mu^egen, also daz die obgenanten geistleichen lêut daz gericht ausgenomen, waz den tod beru^eret, als davor benant ist, auf den obgeschriben iren gu^etern, die sy in den vorberu^erten gerichten habent, hinenchin haben und niessen su^ellen und mu^egen in aller weis, als das der brief, den in der obgenant von Meyssaw daru^eber geben hat, aigenleich entschaidet, doch uns und unsern erben unengolten an unsern rechten, ob wir die darauf hieten. Mit urkund dicz briefs geben ze Wyenn^g an suntag quasi modo geniti nach Christi gepu^erd vierczehenhundert iar darnach in dem zwelifften iar.

Source Fulltext: FUCHS, Aggsbach (=FRA II/59, 1906) S. 212-213