Ich Kathrey Mathesen des Fleischessen hausfraw vergich offendleich mit dem brief allen lëuten di in sechent, hörent odër lesent, lembtig und kunftig, das ich mit wolbedachtem muet und guetleichem meinem willen, nach rat und gunst² willen aller meinêr nachsten eriben und pesten frewnt, erberr lëut weisung, zu der zeit und weil do ich das an all zuesprüch und hindernüss aller meinêr eriben mit recht wohl getuen möcht, recht und redleich wissenleich gemacht und geben hab mit kraft dicz briefs meinem lieben eleichen mann, Mathessen dem Fleischess zu rechtêr marigengab meinew stukch und guetêr di her nach mit nam geschriben stent: item von erst meinew zwai ha^eussêr gelegen zu Spycz unter dem haus zu nachst des Püschinger und des Gorigen ha^eussêr, da von man järleich di^enet drei schilling wyenner pfenning zu purkchrecht an sand Michels tag meinem gena^edigen herren, Otten von Meyssaw, item ain fleischpankch gelegen zu nachst des Rawbêr fleischpankch in dem markcht zu Spycz, da von man järleich dïnet funfzechen pfunt unslid zu sand Merten tag und sechsthalben pfenning an sand Michels tag; item am fleischpankch gelegen daselbs zu nachst des Maryczen fleischpankch, da von man järleich dïnet funfzecben phunt unslid zu sand Merten tag und funfthalben pfenning an sand Michels tag meinem genêdigem herren Otten von Meissaw, item ain aw, gelegen in der Tuenaw, da von man järleich dïnet zwen pfenning gein Tïrnstain auch meinem gene^adigen herrn von Meissaw, item ain weingarten genant der Moczinge^ar gelegen an der A^echleytten untêr des Maryczen weingarten, davon man järleich dî^enet vi^er pfenning meinem gene^adigen herrn von Maissaw, item ain weingarten genannt der Lütring gelegen zu Sand Johanns zunachst des Polans weingarten, einer genant der Glaczman, da von man järleich di^enet drei helbling dem richter in das ambt gein Arnstorff, das do gehöret gein Salczpurkch in das ho^echwi^erdig pistumb; item ain weingarten genant der Tanpruke^ar gelegen an dem e^arzperg ob Pauleins Schaffêr weingarten zu Spycz, davon man järleich di^enet sechs pfenning an sand Michels tag in des von Starhenberkch ambt zu Spycz. Ich hab auch meinen egenannten lieben mann Mathesen den Fleischess des vorbenanten geme^achts auf meinen obgenannten stukchen allêr i^eren zuegehörungen, nichtes ausgenumen, vor allen andern meinen eriben recht vertig und richtig gemacht mit meinêr gene^adigen lechenherren und purkchherren handen und mit allêr stat di dar zue gehört und der er durich recht dar zue bedorf, in sölicher beschaiden, ob das we^ar das er mein egenantêr lieber mann abgi^eng mit dem to^ed ee wenn ich, des got nicht engeb, so sullen dew vorbenannten stukch allew mit irêr zuegehorung und alles das guet, es sei erib oder vôrund guet, ledichleich und an i^errung her widêr gevallen und eriben auf mich obgenantew Kathrey odêr dar nach auf mein nachst eriben, dar auf es hin rechtleich eriben sol. Wêr awêr das, das ich obgenantew Kathrey ab gi^eng mit dem töd ee wenn mein egenantêr liebêr mann, so mag er mit den obgenannten stukchen und guetern und allem dem guet, es sei erib odêr vôrund guet und was ich hindêr mein las, besu^echt und unbesuecht nichtes ausgenumen ungeverleich allen seinen frumm da mit schaffen mit verseczen machen schaffen verkaufen gewen wem er wil; des hat er ganzen vollen gewalt von mir und allen meinen eriben. Und pin auch des obgenannten gemâchtes meines egenanten lieben mann sein recht gewër und fuerstand für all ansprach, wo oder wann ïm des nôt und důrft geschiecht, als sölichs geme^achtes recht ist. Gi^eng i^em awêr daran icht ab, das sol er haben dacz mi^er, meinen trewn und meinen eriben und ze all andrem meinem guet, was ich des hindêr mein lass, nïchtes ausgenumen. Mit ürchund dicz briefs den ich ïm dar ubêr gib versigelten mit meines lieben vettern Maryczen zu Spycz aigen anhangunden insigel, di zeit verwesêr des ambts meines gene^adigen herren Otten von Meissaw, und mit des erbern und weisen Hannsen des Strasse^ar aigen anhangunden insigel, di zeit phlege^ar zu Arnstorff des hochwïrdigen pistumb zu Salczbùrkch, und mit des erberen und weisen Steffann des Heydelberge^ar eigen anhangenden insigel, di zeit phlegêr zu Tyerenstain, die ich all drei darumb mit fleiß gepetten hab, das si ïrew insigel an den brief gehangen habent; so hab ich auch mit fleiß gebetten den erberen und weisen Steffann den Kolbinge^ar die zeit schaffe^ar zu Schönnpüchel meines gene^adigen herrn von Starhenwerkch der ni^echt aigen insigel enhat; so hat er sich verpunden an seiner stat hinder den erberen und weisen Künraten den marschalich mit seinem aigen anhangunden¹ insigel und der obgenanten vi^er an stat meine^ar gene^adigen lechenherren und purkchherren handen; und dew sach besta^ett auch durch meinêr fleissigen pett willen der erber und weis Gorig der Kelbêrsharde^ar, die zeit lantrichter zu Pekstal und der erbêr und weis U^elreich von E^arndörff² mit ïren beiden anhangunden insigeln, di si zu gezeugnuzz an den brief gehangen habent in und allen i^eren eriben an schaden, darhindêr ich mich verpint mit meinen trewn an aides stat, alles das war und sta^et zu halten, das an dem brief geschriben stet, der geben ist noch Kristi gepürd tausend vi^erhundert jar dar nach in dem neunzechenten jar, an sand Gregorigen tag etc.

Source Fulltext: LAMPL, Nachträge (1907) S. 196-197.